रंगांची उधळण

holi

वर्षभर हिंदू संस्कृती प्रमाणे आपले सणवार चालू असतात. आणि प्रत्येक सण आपण तितक्याच उत्साहाने साजरा करतो. दिवाळी, दसरा, गणपती, पाडवा, होळी, धुळवड, गोपाळकाला असे आणि बरेच सण आपल्या उत्साहात भर घालत असतात. सगळे आपापल्या परीने हे उत्सव साजरे करतात, गरीब, श्रीमंत कुणीही असला तरी उत्साह तोच. आनंद तोच.

असाच एक सण येतोय, सगळ्यांना सामावून घेणारा, विविध रंगात नटणारा. फाल्गुन शुक्ल पौर्णिमा अर्थात होळी आणि त्या नंतर रंगांची उधळण घेऊन येणारी धुळवड आणि रंगपंचमी. सगळ्या लहान थोरांना आपल्याच रंगात रंगायला लावणारी धुळवड. बालपणी ची मज्जा असलेली धुळवड, तरुणाईची मस्ती असलेली धुळवड, भांगेच्या थंडाई मध्ये मिसळलेली धुळवड, वरिष्ठांच्या आनंदात सामावलेली धुळवड. अशीच धुळवड आपण बुधवारी साजरी करणार आहोत. अगदी नेहेमीच्याच उत्साहात रंगांची उधळण करत. पण जरा सांभाळून. उत्साह तोच असला तरी रंगांचे स्वरूप बदललंय. जास्त गडद पणा आणि टिकाऊपणा यावा म्हणून या रंगांमध्ये घातक रसायने मिसळली जात आहेत. त्याने पर्यावरणाची हानी होतेच पण ते आपल्या जीवाला देखील अपायकारक असू शकतात. त्या मुळे शक्यतो नैसर्गिक रंगांचा वापर करा. सध्या बाजारात असे नैसर्गिक रंग उपलब्ध आहेत.

drought01पाणी ….. खरंच या वर्षी खुपच टंचाई निर्माण झाली आहे पाण्याची. महाराष्ट्रात बऱ्याच ठिकाणी तर दुष्काळ पसरला आहे. गावंच्या गावं पाण्यावाचून स्थलांतरित झाली आहेत. रोजच्या पिण्याच्या, वापरण्याच्या पाण्याची वानवा आहे. तळी आटली आहेत, विहिरींचा तळ लागला आहे, नद्या कोरड्या पडल्या आहेत. रोज टँकरद्वारा पाणी पुरवठा करून जीवनावश्यक गरज भागवली जात आहे. आत्ताशी मार्च महिना सरत आहे अजून वैशाख वणव्याची झळ बसायची आहे. असे सगळ्या महाराष्ट्राचे चित्र असताना आपण धुळवडीच्या दिवशी जी पाण्याची नासाडी करणार आहोत ती जरा विचार पूर्वक करा. इतके वर्ष अगदी रस्त्यात पाण्याची पिंप भरून सगळ्यांना बुचकळून काढलंय. नळाला पाईप लावून सगळ्यांवर फवारे सोडलेत. एक वर्ष हे सगळं “लिमिटेड एडिशन” मध्ये केलं तर नाही चालणार? आता तुम्ही म्हणाल की आपल्या कडे कुठे दुष्काळ आहे. रोज तर पाणी मिळतंय. मग कशाला कमी वापरायचं? हो पण मिळणारे पाणी कमी कमी होत जाणार आहे. मुंबईच्या आजूबाजूला बरेच ठिकाणी कमी दाबाने पाणी यायला सुरुवात झाली आहे. मुंबईकरांची पाण्याची तहान (आणि नासाडी) पुरवताना त्याच्या आजूबाजूचे जिल्हे आणि धरण कोरडी पडणार आहेत. कारण शेवटी कमी पाण्याची आणि वैशाख वणव्याची झळ आपल्याला पण सोसावी लागणार आहे. त्या साठी आत्ता पासूनच कंबर कसायला हवी. पाण्याची काटकसर करण्यासाठी धुळवडी पेक्षा चांगला मुहूर्त कुठला असू शकतो?

सगळ्यांना होळी आणि धुळवडीच्या (बिनपाण्याने) शुभेच्छा.

(सर्व फोटो आंतरजालावरून साभार)

3 thoughts on “रंगांची उधळण

  1. lekh chan aahe. paani tanchai chi zal mumbai la basnar tyamule pani vachva ha sandesh tumhi dilat tyamule ka hoina loka ya goshtinna gambhirpane ghetil pan keval svarthasathi pani vachvu nako tr water conservation ha ek global issue aahe he dhyanat thvun jababdarine pani vapara he yanchya lakshat kas aanun dyaycha ha mala padlela prashna aahe. lokanni ata broadminded hona garjecha aahe.

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

Connecting to %s