ऑइकोस प्रोजेक्ट – डोंगरवाडी

डोंगरवाडी, खोडाळा टाके रोड पासून काही किलोमीटर आत वसलेला १०० उंबरठ्यांचा पाडा. या भागात असलेले पाण्याचे दुर्भिक्ष्य ओघओघाने या गावात देखील होतंच. गावातील घरापासून साधारण १ किमी वर असलेली सार्वजनिक विहीर गावाच्या पाण्याच्या गरजा पुरवायला मार्च – एप्रिल नंतर अपुरी पडायची. आणि मग पाऊस पडेपर्यंत गावातील बायकांची वणवण सुरू व्हायची. उन्हातान्हातून ५-५ हांडे कळश्या घेऊन बायकांचे पाण्यासाठी फिरणे बघितले की जीव कापरा होतो.
रोटरी क्लब, ठाणे पश्चिम आणि ब्लॉसम चॅरिटेबल ट्रस्टने जलसंधारण आणि जल स्त्रोतांचे सक्षमीकरण करण्याचे काम ऑइकोसचे डॉ. उमेश मुंडल्ये यांच्या अनुभवसिद्ध मदतीने ठरवले. गावाच्या एकंदरीत भूभागाचे परीक्षण केले असता विहिरीपासून काही अंतरावर भूमिगत बंधारा बांधण्याचे ठरले. त्याचा फायदा यावर्षी देखील विहिरीचे पाणी जास्त काळ उपलब्ध होऊ शकते या बद्दल आम्ही आशावादी आहोत. दि. २९ मार्च रोजी ब्लॉसम संस्थेच्या अश्विनी रणदिवे, शर्मिला गुप्ते ऑइकोस चे डॉ. उमेश मुंडल्ये, विवेक जोशी, आनंद भातखंडे आणि गावकरी यांनी भूमिपूजन करून कामाचा श्रीगणेशा केला. गावकऱ्यांमध्ये महिलांची उपस्थती देखील लक्षणीय होती. निव्वळ १२ महिने पाणी मिळणार या केवळ कल्पनेनेच सगळ्यांचे चेहेरे खुलले होते. कालच भूमिगत बंधाऱ्याचे भूमिपूजन झाले आणि आज जागेवर जेसीबी पोचला सुद्धा. येत्या काही दिवसात हे काम पूर्ण होईल आणि याचा १००% फायदा पुढील वर्षी निश्चित मिळेल.


स्थळानुरूप जलसंधारण करताना योग्य पद्धतीचा वापर करून जलसाठा वाढवून किमान १२ महिने पिण्यासाठी, गुरांसाठी आणि इतर वापरासाठी पाणी उपलब्ध करून देण्यावर ऑइकोस टीमचा भर असतो. डॉ. उमेश मुंडल्ये यांचे कौशल्य आणि पालघर जिल्ह्यातील कामाचा प्रदीर्घ अनुभवाचा फायदा अश्या कित्येक गावांना झाला आहे आणि भविष्यात देखील होत राहील. आत्तापर्यंत गेल्या ३ वर्षांमधे ब्लाॅसम संस्थेसाठी काम केलेल्या ५ गावांमधे आता टॅंकरची गरज नाही आणि वर्षभर पुरेसा पाणीसाठा असतो.
कुठल्याही गावात, शहरात (Rain water harvesting) जलसंधारणाचे काम करायचे असेल तर ऑइकोसशी जरूर संपर्क साधा.

ऑइकोस – +91 99670 54460 । rwh.oikos@gmail.com

जलसंधारण #watershedmanagement #water #waterconservation #oikos #blossomcharitabletrust

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

Connecting to %s